Azul,

Tasdawit n unevdu n Umussu n Timanit i Tmurt n Yiqvayliyen n useggas-a temgarrad ɣef tid i tt-yezwaren iseggasen yezrin. Aseggas-a tewwet abṛuc n Unavaḍ.

Asveddi n Unavaḍ aqvayli uɛḍil ass umenzu n yunyu 2010, d ass i d-ifesren tadyant tamervuḥt deg umezruy n Tmurt n Iqvayliyen, segmi tella tin yellan. D tagrawla tasertant tatrart i wumi nger irebbi. MAK yemla-d iseɣ-is imi yessaweḍ asveddi n Unavaḍ aqvayli war takṛiṭ wamma idammen. Ayen akka i nḍeṛṛef di kra n wakud kan ur yesɛi anzi deg wayen tegga talsa. D tikli tasertant ara yeṭṭfen tili teɣzi n wakud war tilas i yessawḍen di 10 n yiseggasen kan. Yiwen i Ṛebbi ur yegmin ad ddunt tlufa s urured am wa, azekka-en imi d-yettwasuddes usarag aɣamsan n 5 yunyu 2001. Ahṛuḥu d-yekkren d tɛeǧǧaǧt n wabbuhen mgal n levɣi-nneɣ n usuter n tmanit i temnaḍt n Yiqvayliyen tugar ayen-din isčewčiwen d-yulin s usveddi n Unavaḍ. D tavɣest d tmuɣli imesden, n tezmert d tmussni.

Ulamma iger-ed udavu aderɣal tiseɣlit deffir tayeḍ i wakken ad temḍerkal tikli i nefka i umezruy, ass-a, neffeɣ-ed d imernawen, iqerra-nneɣ deg yigenni. Ur nfiɛent tmenqas i ɣ-d-yesquẓẓel si daxel i wakken a d-yessemɣi amussu deg Umussu, ur tenfiɛ tbuciḍant n lkaɣeḍ n uǧeṛnan ireqqen s ṣṣehd n leḥkem amesvaṭli i yevɣan a ɣ-yessimes, ur yenfiɛ usagged n yibulisen, ur tenfiɛ tmenɣiwt. Seg waya meṛṛa acemma ur ɣ-yessenquqel imi « win i teddun ɣef tidett yessawaḍ ».

Di Vgayet, Tizi Wezzu d Ttuviret, tikliwin i ɣer d-ssawlen yequma n tesdawiyin umussu n Timanit i Tmurt n Yeqvayliyen ssawḍent ɣer yeswiyen nnsent, imi nnig n 12000 n yemdanen i d-iṣubben ɣer iverdan.

Aqerru umussu n timanit yessawaḍ s yisem-is netta akk d win umussu s umata asenmer-is i yal wid d ttid yelḥan i lmend n Yennayer 2960. Tamurt n Yeqvayliyen ur tettu ara tigawt nnsen.

Ad idiren yelmeẓyen iqvayliyen.

Ad tidir timanit i Tmurt n Yevayliyen. (…)

Ay aɣref aqvayli!

Tusa-d tizi n tidet I deg yessefk ad tezdiḍ aεnan akken a d-tekkeḍ nnig tlufa. Win ur nesεi nnif d aɣilif. Ilaq ad neḥrez iseɣ i ɣ-d-ǧǧan imezwura d-izegren igiman n tillas akken ad a ɣ-d-ssiwḍen tutlayt, idles, taɣerma ara d-nessifer nnig kra yellan, ad ten-nessiweḍ anda ur d-tṣubbun.

Amussu n TIMANIT I TMURT N YEQVAYLIYEN (Mouvement pour l’Autonomie de la Kabylie) yeggar tiɣri i weɣref aqvayli ad yessemres azref-is i s-d-yettunefken seg iṣuḍaf igraɣlanen i wakken ad yesseqdec tutlayt TAQVAYLIT di tudert-is n yal ass, u ad qs-yefk azal nnig n tutlayin nniḍen. (…)

I lmend n tiɣri i tikliwin n Vgayet akk d Tizi Wezzu ara yilin ass umenzu n yennayer 2960, izen uqerru umussu n timanit yezzwer-d s kra n wussan.

Seld timlilit n Wegraw Amatu umussu n timanit di Fransa n wass 18/01/09, i deg d-yella umeslay ɣef wesnulfu n TKARḌA N TNEKKIT TAQVAYLIT.
Seld asqerdec i d-iḍefren asarg n Mass Ferḥat At Sɛid, Aqerru umussu, ass n 12/09/2009 di Tmeɣra n Talsa di Lpari ɣef yismawen n Yeqvayliyen di tmurt-nsen.
Imi nefren a nerr tajmilt i yimezwura nneɣ u a nefk azal i yesmawen i deg ṭṭfen d igiman n iseggasen s yiwen uzamul yecvan takarda n tnekkit.

Seld ameslay d uciwer ger yemḍebbren-is, amussu n timanit yeqsed ad yessiweḍ ɣer yeswi agi s uheyyi n temzizwert i lmend n wesnulfu n TKARḌA N TNEKKIT TAQVAYLIT. Ilugan n temzizwert-a d wi :

Wali aslagan (…)

Seld aneɛruḍ n Mass Antonio Cubillo, aselway n wegraw aɣelnaw aknari (CNC), yerzef Mass Ferḥat At Sɛid, Aqerru umussu n Timanit i Tmurt n Yeqvayliyen, ɣer Tegzirin Tiknariyin i wakken ad yekki di tikli i d-yellan di Santa Cruz de Tenerife ass n 24 di Tuver 2009, anda i d-msemlalen yigiman n yemdanen ilmend n "timmunent u mgal tasehrest n Tegzirin Tiknariyin".

S utikki-yis deg temlilit-agi, Aqerru umussu n timanit yerna afud i wassaɣen n tegmatt yurzen sin yegduden-a imaziɣen deg umennuɣ ɣef yeswiyen-nsen: timmunent i Yeknariyen, timanit i Yeqvayliyen.

I wesmekti, sin yergazen-a myussanen si 1976 deg Ledzayer tamaneɣt anda yella Ferḥat d anelmad n tussna tasertant u Cubillo d amerwal seg udavu n Ṣpenyul amseḥras.(…)

Timerniwt d-rnan ddeqs n yimeɣnasen akk d ttmuɣli ɣer wayen txuṣ tmetti deg waṭas n yeḥricen tevɛent amussu-nneɣ akken ad yessimɣer tamehla-s d wannaren-is n leqdic.

Seld tidmiwin n Massawat Aqerru umussu, Aselway n wegraw aɣelnaw d Umaray amatu n Useqqamu n tqacuct ; Seld timesliwt n tuttra n Umaray aɣelnaw n tuddsa ; Seld timesliwt n tedmiwin n wid teɛna temsalt ; Seld amciwer d wesqerdec ;

Aseqqamu n tqacuct yessuli-d ɣer imeḍqan n Imarayen iɣelnawen d Yimarayen iɣelnawen inmazulen imḍebbren umussu agi : (…)

Aseqqamu n tudrin n Wewqas yettwasevded ass n 3 di yulyu 2009 di temlilit i deg kkin massawat Mulud Mebarki, Amaray amatu n Useqqamu n tqacuct, Kamal Swami, Aqerru n Wegraw n yiseqquma n Vgayet, Nadir Celbabi, Amaray n tuddsa n Wegraw n yiseqquma n Vgayet akk d Massi Nasri, aqeddac deg Wegraw-a i d-yessawlen i usevded n Useqqamu n tudrin n temnaḍt n Wewqas i deg yettidir.

Ass-a n 17 di yunyu 2009, mlalen di Melbu massawat Mulud Mebarki, Ḥmed Caballah, Aεmer Ayadi, Lyazid Abid akk d Umaray aɣelnaw n tuddsa Mass Buεziz At Cebbib i lmend n usevded unṣiv n Tejmaεt umussu n Timanit di temnaḍt-a.

Timlilit yeḍfer-itt-id wefran n yemdanen-a ara yilin d imḍebbren n Tejmaεt al akken d-yedda di rrsem umussu n Timanit:

 Murad Bubeker : Aqerru.
 Smaεil Ḥeddad : Amaray.
 Σumer Σelluti : Aneẓraf.

Tfuk temlilit seld usefhem n twuri d leqdic i itevεen imḍebbren yettufernen.

Amussu n Timanit i Tmurt n Yeqvayliyen yennecraḥ s tigawt n tegzirt n Gruenland i yessawḍen ass n 21 di yunyu 2009 a d-tessukess Timanit tahrawant seg tmurt n Denmark.

Tikli n weɣref-a deg wevrid n tlelli seld tin i ɣer ssawḍen yakan yegduden n tmurt Ibuliviyen, tettak tavɣest i yiɣerfan nniḍen akken ad awḍen iswiyen-nnsen s wevrid n talwit war ma cewwlen inagrawen n tmura i deg ttidiren.

Agdud aqvayli yeqqar gedha i wegdud n Gruenland i yiwḍen ɣer yeswi-s ass-a u yessaram d ayen ara imudden afud i Tmurt n Yeqvayliyen d wegdud aqvayli ad ɛejlen di tikli ɣer timanit tadigant.

Di tirza-ines taneggarut ɣer Kibek, mas Ferḥat Mhenni, Aqerru n umussu n Timanit i Tmurt n Yeqvayliyen, yemlal d isertiyen ikibiken i yesɛan azal ameqran di tsertit takibikit.

Gar-asen: mass Mario Beaulieu aselway n Tkebbanit Saint-Jean-Baptiste, win yellan zik deg umkan-is mass Jean Dorion, i yeqqlen tura d amazun n ukavar Bloc québécois, mass Pierre Cruzi amazun n ukavar Parti québécois i yeṭṭfen aḥric n trevga d yidles, war ma yettu ad yemlil i tikkelt nniḍen tamenzut n temgedla tunṣivt deg Wegraw aɣelnaw massa Pauline Marois akk d mass Gilles Duceppe aqerru n Bloc québecois, yiwen seg ikuvar n temgedla di yiwet seg texxamin n wemni n Uṭawa.

Ass n sayass 7 di yunyu, yekki deg yiwet n temlilit, akk d massawat Francine Lalonde d Viviane Barbot, timazunin n Bloc québecois, tamezwarut tettmeslay s yisem ukavar deg wayen d-icudden ɣer tɣawsiwin tigreɣlanin, tis snat d ttaselwayt tanmazult n ukavar.

Ass n sanass 9 di yunyu, Aqerru umussu n Timanit yerza ɣer ubiru unṣiv n ukavar Parti québécois anida i yemlal massa Louise Beaudouin, tamazunt n temgedla tunṣivt deg wegraw aɣelnaw akk d temsiwelt n ukavar deg wayen yurzen tiɣawsiwin tigreɣlanin. Massa Beaudouin tettwassen d yiwet seg wid yettḥuddun ɣef idelsan n talsa deg umaḍal. (…)

Ass n 14 yunyu 2001, Tamurt n Yeqvayliyen tceyyeε ugar n sin imelyunen seg iɣermanen-is (citoyens) ɣer iverdan n Lezzayer tamennaɣt i wakken ad fken « tiɣerɣert n Leqṣer », i tselwayt n tigduda tazzayrit. Lkaɣeḍ-a yuran s krad (03) n wussan kan akka ɣer deffir, sɣur iεeggalen n waṭas n tamiwin tisertanin, yesεa 15 n tneqqiḍin n tnegmiyin (revendications) i ten-isdukklen.

Tikli-a tamezrayt, s tɣerɣert-is, d tiririt n talwit n Tmurt n Yiqbayliyen i tzernant taserdasit (aggression militaire) n udavu azzayri. Textar taɣerma mgal avrid n yihwah. Werǧin neẓra kra n uɣref nniḍen deg umaḍal yessaweḍ, xerṣum ar tura, ad d-yessuffeɣ tis-krad (1/3) seg imezdaɣ-is deg yiwet n tmesbanit taɣerfant. Ur yelli weɣref nniḍen deg umaḍal, di teswiεt n tririt i temḥeqranit, ad yerren akken nniḍen ala s tuddma n iveckiḍen i wakken ad ivedd ɣef nnif-is. Tamurt n Yeqvayliyen tesnulfa-d deg aya.

Ass-a, imi tiḥerci n udavu d tjuεal-is, asεeddi deg wakud d lixṣas n uheyyi n umussu n tnekra (movement de révolte) kksen-asen awal i Leεruc d Tɣerɣert n Leqṣer, TTY (MAK) yerra ass-a d yiwen n wass meqqren anda aɣref aqvayli yefren tikli ɣer tuṭṭfa n yimal-is s yiman-is. (…)

Imeɣnasen d ttmeɣnasin umussu n Timanit ur llin d imeɣnasen n menwala am wid n ikavaren isertanen.

Ddmen amennuɣ yellan d azedgan, yevnan ɣef tidett. Ur ḍmiεen ad awḍen cciεa wala timesεiwt s leqdic-nnsen. Ɣef waya i yulac dacu i izemren ad yessenquqel iseɣ-nnsen. Ahat a d-yaweḍ wass i deg a sen-tuɣal tejmilt ɣef tigawt-nnsen maca iswi-nnsen ur yelli, ur yettili d aya.

Imeɣnasen umussu n Timanit i Tmurt n Yeqvayliyen d ttawacult yellan teddukel ulac dacu ara tt-yevḍun.

Ngum ad ddmen amennuɣ-a, εuhden d akken a tili tegmatt d uqader gar-asen u ger merra Iqvayliyen nniḍen yekkaten ad ḥerzen tutlayt-nnsen, nnekwa-nnsen d yiseɣ-nnsen mgal miḥyaf n tiεurrevt akk d tneslemt i d-yeɣḍel fell-asen udavu di tmeddurt-nnsen n yal ass ama s wevrid n tedbelt neɣ win n yemsulṭa, ijadermiyen d iεeskriyen yekkaten ad rẓen Tamurt n Yeqvayliyen.

Maca, di twacult umussu n Timanit i Tmurt n Yeqvayliyen ur llin yimaggaden d yixeddaεen. Imeɣnasen-nneɣ qqaren ‘Azul’ anda ddan.

Qqaren ‘Azul’ i wid sen-yeqqaren ‘Salam’ war ma ran ad refden iman-nnsen neɣ a d-zgen nnig wiyaḍ ; qqaren azul acku ran daɣen a d-inin agdud-nneɣ aqvayli, tutlayt-nneɣ taqvaylit, amezruy-nneɣ aqvur, aḥuddu ɣef wayla-nneɣ mgal kra n wid inudan u mezel ttnadin a ɣ-rẓen mzezel vedden u ur sen-izemmer yiwen.

Tura, imi leqdic-nneɣ yettaẓ ɣer zdat u agdud yedda d umennuɣ ɣef nnekwa-yis d izerfan-is, kkaten deg-neɣ kra n yeɣmisen n taεravt i ɣ-iɣuccen s ticki ufus n kra n Leqvayel n Sservis i yenwan d akken amḍiq i sen-yettunefken a t-ṭṭfen i levda.

Ur nettεanad ara imadanen agi acku akud-nneɣ ɣlay, mačči i nutni iwumi d-iṣaḥ.

Riɣ a d-iniɣ i watmaten d tissetmatin-iw umussu n Timanit i Tmurt n Yeqvayliyen akk d wid yettidiren di lɣerva u sḥissifen ɣef wayen i iḍerrun di Tmurt, aqlaɣ da u mazal-aɣ nvedd !

Neqqar-asen : ur ttaggadet. Neggul a nidir d ilelliyen akken tevɣu tili tegnitt. Wid ken-yezwaren tunṭict-nnsen deg umennuɣ mgal amnekcam arumi ɣur-s azal ameqran. Kenwi tettkemmilem deg wevrid n usuddes n tugdut di Ledzayer s umata. Tilin-nnwen ɣer yidisan-nneɣ, leqdic-nnwen, amennuɣ-nnwen tsaεafen-aɣ yal ass, u nessenmar-iken di yal tagnitt.

Aya neẓra-t, d awezɣi a t-nettu.(…)

Amni azzayri ideg llan 389 n yimaslaḍen yettwafernen s 13 % n tikkin deg tfernin, yedɣer kra n yileddimen i Wangal n tsekkirt taɣarimt, tadeblant ; seg tama-s, Aseqqamu n Weɣlan ideg llan 144 n yimaslaḍen, gar-asen 48 i d-yesbedd Uselway n Tegduda, yeqbel ileddimen-a.

S wakka, asaḍuf wis 08-09 n 25/02/2008 yerzan Angal n tsekkirt taɣarimt, tdeblant ad iḥettem ɣef yimdanen akked tɣawsiwin ad mmeslayen s taεrabt.

Deg umagrad wis 08 n usaḍuf-a, yura : « Tisekkirin akked yigiten n teɣdemt, yecban tuttriwin akked tezrawin, yessefk ad d-ffɣent s taεrabt, ma ulac ur ttwaqbalent ara.
 Ikaramen akked tfertin ur nuri ara s taεrabt neɣ ur nli tasuqqilt tunṣibt, ur ttuneḥsaben, ur ttwaqbalen.
 Iskasiyen akked umeslay n yibugaṭuten deg uxxam n teɣdemt, yessefk ad d-ilin s taεrabt.
 Tiɣtas yessefk ad d-ffɣent s taɛrabt, ma ulac ad tent-yerr unezzarfu, s yiɣil, ur ttwaqbalent ara”

Amagrad-a wis 08 d tarennawt n yiwen n wass n tselbi. (…)

Yessetma, aytma, azul n tegmatt fell-awen. Seg mi yevda useggas n 2009, d amussu-nneɣ yettnernay, yettaẓ ɣer zdat, yettaṭṭaf amkan i iwulmen ad yili d amkan-is. Mi t-id walan medden yezzuzef akukru, yevna ɣef sseḥ mači ɣef uεbbuḍ, yuɣal-asen d tafat d lemri, d iseɣ d-leεnaya. D tikli n yennayer n inelmaden i d-yerran di tazwara ṭmeε d-areqqaq i wid s iḥedren d wid yeslan-yis. Nelli-d tiwwura n useggas amaynut s umennuɣ n tirrugza d tfenṭazit.

Asuddes n tjemmuyaɛ timaynutin di tudrin n yal tamnaṭ n Tmurt n Yeqvayliyen yerna-d afud i Timanit deg ulawen n yal yiwen.

Tira n MAK ɣef leḥyuḍ d tfelwin n iverdan, asenteḍ n ’les affiches’ i d-gan ama d imeɣnasen neɣ d imḍebbren-nneɣ yesken-d i Yeqvayliyen ger ikuvar d imussuyen anwa i yuklalen a d-malen ɣur-s, ad ddun yid-s. Wid nneɣ ḥemmlen win yesεan tissas, yettemberrazen ad yesseɣli lvaṭel. D ilmeẓyen d telmeẓyin di tseddawiyin d iɣervazen i d afud d yiseɣ-nneɣ.

Agzam n tefranin timselwayin n 9 di yevrir iεeddan i ɣer nekker d win i d-yesseknen i umaḍal akken ma yella d acu i d Tamurt n Yeqvayliyen. Assa, berzidan n Ledzayer mači d win n weɣref aqvayli. Wid i iḥekmen, akken vɣun cuffen leḥsav n wid yevvuṭin, ur ssawḍen ara ad rren Tamurt n Yeqvayliyen d tamnaṭ am tiyiḍ di tmurt n Ledzayer (…)

Ma ɣas Iqvayliyen ttidiren war acemmek n teɣlest, ayagi ur d-yecqi ara deg-s udavu. Dɣa ibarağen n tkerkas i ssevdaden wat ičumar, tuṭṭfa n imeskebbaniyen iqvayliyen akk d ttukerḍa-nnsen i ten-iḥerrṣen akken ad ssxedmen tadrimt-nnsen anda nniḍen, tilin n iεesskriwen di Tmurt n Yeqvayliyen war ma kkan-d mgal irevraven…d ayen i d-yeskanen d akken tasertit udavu d ttin yekkaten a ɣ-tezzem ɣef tuṭṭfa di tnekkit, di tutlayt, deg yidles akk d tlelli-nneɣ.
Lmina i yenɣan ilemẓi Karim di temnaḍt n Weẓru n Kulal di Micli tesskanay-d ayen i ɣ-yegunin sɣur adavu n Butefliqa.
Amussu n Timanit i yettvuddun tavɣest i yimawlan n weqcic, ineddeh s kra yesεa d ttazmert ɣef yeswiyen irevraven at ičumar akk d wid udavu adzayri i d-yemsemlalen mgal agdud aqvayli i yettnadin ad yidir di talwit.

Azul fellawen,

Kunwi yelḥan assa n 20 di Yevrir 2009, ternam-d tacveḥt, tirrugza d yiseɣ i weɣref aqvayli. Ternam ccan i Tmurt n Iqvayliyen, terram tajmilt i wid innuɣen ɣef lḥerma nneɣ d nnif nneɣ, di lğil ɣer wayeḍ.

Surfet-iyi ma ulac-iyi garawen. Amer ufiɣ, d nek i d amenzu di tikli a. Adavu amesvaṭli d win i id-igezmen avrid. Tilelli n yal yiwen tesεa azal. Tilelli inu ur tettakeɣ ara d ttarzeft i lvaṭel. Xas ulac iyi garawen, aqli di lxiḍ n tilifun yidwen. Assa, mači yiwen wemdan ig sselḥayen timsal, d kunwi ay ilmeẓyen, ig zemren. Am akken I t id nniɣ yakan “assa twerrek tegnitt yisswen a tarwa”. Assa teččurem iyi tiṭ, teččurem tiṭ i umezruy, teččurem tiṭ i Tmurt n Iqvayliyen ! Ssarameɣ awen AFUD IGERRZEN,

Tamurt n Iqvayliyen ad-tawi tilelli ines, ad tezdi lqedd is ger iɣerfan n umaḍal.

(Sɣur Ferḥat At Saεid ig rsen di nnekwa : Ferhat Mehenni)

Γef 16:30, izwilen i d-yettunefken iwḍen 21.45 % di Tizi Wezzu, 21.30 % di Vgayet d 39% di Tuvirett. Ma teddatt akka, ivan a d-iserreḥ i yezwilen utikki s umata n wazal n 50% γer taggara n tefranin.
Imeγnasen umussu n Timanit tevεen izwilen utikki n tidett di yal tamnaṭ n Tmurt n yeqvayliyen, ssawḍen γer dakken wiḍ yevvuṭin ur εeddan ara nnig n 4%, tugett-nnsen d imsulṭa, ixeddamen n lḥukuma, iεessekriwen yellan di tmurt n Yeqvayliyen akken ad cuffen izwilen n Zerhuni.

Asqamu umussu n Timanit n tɣiwant n At Wizgan yessawel-d i merra Iqvayliyen akken ad kkin di tikli i d-yellan ass n 08 di yevrir 2009 ɣef 11:00, si CEM Ḥemmadi alamma d lbusṭa. Tikli teḍfer-itt-id temlilit.

Azul
Tifranin ɣef tselwayt vdant yakan di tmura n lɣerva seg wass n 4 di yevrir 2009. Amussu n Timanit i yellan mgal tifranin agi yessawal i Yeqvayliyen ur ttruḥun ara ad vuṭin u ad ledhun si tura d wesmekti n 20 di yevrir.
Seld agzam n tefranin ɣef tselwayt, yeqqim-d a d-kkren Yeqvayliyen ɣef izerfan-nnsen u a d-ruḥen akken ma llan ɣer temlilit n Place de la République di Pari ass n 18 di yevrir akk d tikli n 20 di yevrir di Tizi Wezzu.

Init i wid akk i ken-iqerven.
Tanemmirt

Amussu n Timanit yettkemmil tuddsa n iseqquma-s. Hata umahil usevded n Wegraw n Iseqquma n Tuvirett.
A t-id yeḍfer usevded n Wesqamu n tudrin n Makuda.

Ass n kuẓass 26 di meɣres 2009, tella-d temlilit n imeɣnasen umussu n Timanit n temnaṭ n Tuvirett deg At Ḥemdun i lmend usevded n Wegraw adigan n Iseqquma n temnaṭ-a n Tumurt n Yeqvayliyen.

Asarag-askasi akk d Uqerru d yemḍebbren umussu n Timanit a d-yili ass n yanass 05/04/2009 ɣef 14:00.

Asentel: Tifranin timselwayin 2009.

Asarag a t-id ḍefrent kra n tezlatin ucennay acawi Amirouche

Tasga: Espace Berbère, 16, rue Barbanègre 75019 Pari.

Amitru: CORENTIN CARIOU LIGNE 7

Aset-d s waṭas;

Tanemmirt.

Amahil n Wegraw Amenzu n Useqqamu